Kalki 2898 AD (2024) With Sinhala Subtitles | යුගයක ආරම්භය….!
Posted
:
BaiscopesLk
Upload
:
자세한 내용 보기
:
ඔන්න ඉතින් ගොඩක් දෙනෙක් එනකම් බලන් හිටපු මේ අවුරුද්දේ ආපු තවත් සුපිරියක් අද උදේ Amazon Prime හරහා නිකුත් වුණා.. වැඩි කතා නැතුව යංකෝ ෆිලුම දිහාට 😉
2024 ජූනි 27 වෙනි දින ලොව පුරා තෙළිගු භාෂාව ප්‍රධාන කරගෙන නිකුත් වෙච්ච මේ ෆිලුම අයත් වෙන්නේ Action/ Science fiction/ Adventure කියන කැටගරියට.. Nag Ashwin විසින් අධ්‍යක්ෂණ කටයුතු කරද්දි මේකට නිෂ්පාදන දායකත්වය දුන්නේ Vyjayanthi Movies විසින්..සමස්ත වියදම ඉන්දියානු රුපියල් කෝටි 600ක් වෙනකොට, ආදායම කෝටි 1100ක් වගේ ඉහළ ආදායමක් හිමිකරගන්න සමත්වෙලා තියෙනව..
මේක සම්පුර්ණයෙන්ම අතීතය සහ අනාගතය මත දුවන චිත්‍රපටියක්.. හරියටම කිව්වොත් 2898 සිද්ද වෙන සිද්දියක් වටා තමයි කතාව දුවන්නේ.. මහාභාරතයේ අවසන් යුගයෙන් ආරම්භ වෙන සිව්වන යුගය.. එහෙමත් නැත්තම් අවසන් යුගය වටා තමයි කතාව දුවන්නේ.. අපි අද ප්‍රවෘත්ති බැලුවත් අහන්න බලන්න තියෙන්නේ මොනවද නේද.. සමාජය පිරිහිලා, වැඩිහිටියන්ට ගරු කරන්න දන්නෑ.. ස්වභාව ධර්මයට ගරු කිරීමක් නෑ..ගුණ ධර්ම හදුනන්නෑ.. ඉතින් මේකට කියනවා කලි යුගය කියලා.. හින්දු දහමට අනුව නම් කලියුගය කියන්නෙ මහා භාරතයේ අවසානයේ ක්‍රිෂ්ණාගේ මරණයෙන් පස්සේ ආරම්භ වෙන අවසන් යුගයට..ඉතින් මේ යුගයේදී මිනිස්සු පිපාසයෙන් කුසගින්නෙන් පෙළෙනවා කියලත් කියනවා.. හැබැයි තාක්ෂනය අතින් ගත්තහම ගොඩක් දියුණු තැනක තියෙන්නේ..
චිත්‍රපටයට මුලික වෙන්නේ ඔන්න ඔය දේවල්..
එතකොට මේ කල්කි ගැන කතා කරොත්, කල්කි කියන්නෙ විෂ්ණු දෙවියන්ගේ දසවන අවතාරයට.. මේක තමයි විෂ්ණු දෙවියන්ගේ අවසන් අවතාරය වෙන්නෙත්.. ඉතින් මේ කලි යුගයේදී විෂ්ණු පැමිණිලා කලී අසුරයාව පරාද කරල කලියුගය අවසන් කරනව කියලා කියවෙනවා.. ඉතින් මේ කතාවට මූලික වෙන්නෙත් ඔය කාරණාව.. හැබැයි කල්කි කියන චරිතය අපිට තාම මේ චිත්‍රපටියෙන් බලාගන්න වෙන්නේ නම් නෑ.. මොකද මේක පුරාවටම තියෙන්නේ කල්කිට උපත දෙන මව සුමතිව, ආරක්ෂා කරන්න ඇය වටා ඉන්න පිරිසගේ කැපවීම.. මෙහිදී සුමතිගේ ආරක්ෂකයා වෙන්නේ අශ්වත්මා.. සුමතිට ඇයගේ කුසේ වැඩෙන්නේ දෙවියන් බව තේරුමක් නැති උනාට ඇය වටා ඉන්න සියළුම දෙනාට මේ ගැන තේරෙනවා.. ඉතින් මුළු කතාව පුරාවම යන්නෙ ඇයව ආරක්ෂා කිරීම තමයි… මේක Universe එකක් නිසා ඉස්සරහට චිත්‍රපට 3ක් හෝ ඊට වැඩි ප්‍රමාණයක්‌ එන්න නියමිතයි.. මේ චිත්‍රපටියෙදි ගොඩක් කරල තිබ්බේ චරිත හදුන්වා දීමක් වගේ දෙයක්.. ඉස්සරහට එන ෆිල්ම්ස් වලදී අපිට කව්ද මේ කල්කි චරිතය කියලා දැක බලාගන්න පුළුවන් වෙයි ❤️
කතාව සහ අධ්‍යක්ෂණය – Nag Ashwin
භාෂාව – තෙළිගු
රංගනය –Amitabh Bachchan Kamal Haasan Prabhas Deepika Padukone Disha Patani
ධාවන කාලය –මිනිත්තු 181යි
ප්‍රබාස් – භායිරවා ලෙසින්
Kalki Universe එකේ Main Character එක Prabhas නොවුනත්, ගොඩක් දෙනෙක් මේ ෆිලුම බලන්න ඉදගන්න හේතුව තමයි ප්‍රභාස්.. අනික ප්‍රබාස් කියන Pan Indian Actor ගැන අමුතුවෙන් කියන්න දේකුත් නෑ.. හැමෝම දන්නව මෙයාගේ හැම ෆිල්ම් එකම වගේ බොක්ස් ඔෆිස් කුඩු පට්ටම් කරනවනේ..දෙවනි ෆිල්ම් එකට ලොකු හයිප් එකක් දීල උස්සල ගන්න නම් පලවෙනි එක ගිණි ගින්දර වගේ තියෙන්න එපැයි.. ඒ නිසා පලවෙනි එකට ප්‍රභාස් තෝරාගන්න ඇති කියලයි මට නම් හිතෙන්නේ..හැබැයි ප්‍රබාස් නිසා බලන්න ඉදගත්තට ටිකක් වෙලා යද්දී මුළු ඕඩියන්ස් එකම අමිතාබ්ට චියර් කරන්න ගත්ත කියන්නකෝ.. අමිතාබ්ගෙයි ප්‍රබාස්ගෙයි ෆයිට් Scene එකේදී පවා ගොඩක් දෙනෙක් අමිතාබ්ට චියර් කරා.. හැබැයි එහෙම ඉදල එකපාරටම තමන්ගේ ඕඩියන්ස් එක සනික පටස් එයාගේ පැත්තට හරවගත්තා.. ඒ ඕඩියන්ස් එක හිතුවෙවත් නැති ක්ලයිමැක්ස් එකක් ඒ අයට දෙමින් �
ඊටපස්සේ ගොඩක් දෙනෙක් බලයි මොකක්ද මේ භායිරවාගෙයි බුජ්ජි කියන AI රොබෝගෙයි Combination එක කියලා.. 2024 මැයි මාසයේ Kalki නිෂ්පාදනය කරපු Vyajanthi Animation ආයතනය Green Gold Animation සමාගම එක්ක එකතුවෙලා… animated science fiction comedy television miniseries එකක් නිෂ්පාදනය කරනවා. මේක අධ්‍යක්ෂණය කරන්නෙත් Nag Ashwin විසින්මයි.. (Bujji & බහයිරවා ඕන අයට සිනෙරූ එකෙන්ම සිංහල උපසිරැසි දීලා තියෙනවා) ඉතින් kalki ෆිලුමට මේකත් බේස් වෙලා තියෙනවා.. මේක තියෙන්නේ කල්කි 2898 අවුරුද්දට අවුරුදු 2කට කලින් සිදුවීම් වන භයිරවාගෙයි බුජ්ජිගෙයි හමුවීම සහ ඒ දෙන්නගේ වැඩ.. ඒවගේම බුජ්ජිගේ චරිතයට හඬ දායකත්වය ලබාදෙන්නේ අපි කවුරුත් ආදරේ කරන ඉන්දීය නිළි Keerthi Suresh විසින් ❤️ ඉතින් Kalki බලන්න කලින් මේ සීරියස් එක බලල ඉන්න කියලත් මෙයාල කියනවා.. (බැලුවෙ නෑ කියලා ලොකු අවුලකුත් නෑ ඉතින් 🤭)
අමිතාබ් බච්චන් – අශ්වතාමා ලෙසින්
ඉතින් මේ කලි යුගයේදී කලී අසුරයා පරාජය කරන්න කල්කිගේ උදව්වට චිරන්ජීව්ල 7 දෙනෙක් එනවා.. ඒ අය තමයි, අශ්වතාමා බාලි ව්‍යාස හනුමාන් විභීෂණ කෘප පරශුරාම ඒත් මේ චිත්‍රපටියේ නම් අපට පෙන්නන්නේ අශ්වතාමාගේ චරිතය විතරයි.. තව චිත්‍රපටි රැසක්ම එන්න නියමිතයිනේ.. ඉතුරු අය ඒවගෙන් දැකගන්න පුළුවන් වෙයි කියලා බලාපොරොත්තු තියාගමු..මං මුලදී කිව්ව වගේ ප්‍රභාස් නිසා බලන්න ගත්ත මේ ෆිලුමේ අමිතාබ්ව ගොඩක් අයට අල්ලලා ගියා.. මේ අවුරුදු 81 මනුස්සයා අර අවුරුදු 44 කොල්ලා එක්ක කරට කර රගපෑවා.. අන්තිම වෙනකම් ප්‍රභාස්ට ගොඩ ඒමක් තිබ්බෙම නෑ අමිතාබ් එක්ක.. අමිතාබ්ගේ චරිතයත් මාරම ගැම්මක් එක්ක Buildup කරල තිබ්බ.. විසිල් එකක් නොගහම බැරි මට්ටමේ ❤️🔥
දීපිකා – සුමති ලෙසින්
මතකනේ ජවාන් එකේ දීපිකා මවගේ චරිතය කරල ඕඩියන්ස් එක ඇඩෙව්ව තරම.. Kalki චිත්‍රපටයේ මං ආසම character එක කරේ දීපිකා.. ඒ තමයි kalki ගේ මවගේ චරිතය.. දෙවියන්ගේ මව..වැඩිම Screen Time එකක් හිමිවෙලා තිබුනේ දීපිකාට කිව්වොත් හරි.. රංගනය ගැන නම් කතා කරන්න දෙයක් නෑ එයාගේ උපරිමෙ කරල තිබුනා.. ඊලග ෆිල්ම්ස් වලිනුත් දීපිකාව අනිවාර්යෙන් අපිට දැකගන්න පුළුවන් වෙයි.. ඒවගේම දීපිකාට තෙළිගු භාෂාවෙන් හඬ කැවීම් කරල තිබුනේ ඉන්දීය නිළි Sobhita Dhulipala විසින් වීමත් විශේෂත්වයක්🔥
කමල් හසන් – සුප්‍රීම් යස්කින් ලෙසින්
ෆිලුමේ විලන් වෙන්නේ සුප්‍රීම් යස්කින් උනත් කමල්ට නම් ෆිලුමේ තිබ්බේ විනාඩි 10කටත් අඩු තිර කාලයක්.. හරියට නිකන් Cameo එකක් වගේ.. හැබැයි ඊලග ෆිලුමෙන් නම් කමල්ගේ චරිතය අපට දැඩි ලෙස බලාගන්න පුළුවන් වෙයි.. මේකේ කරල තිබ්බේ ඔහුව හදුන්වා දීමක් සහ ඔහුගේ චරිතයට මග පෑදීමක් විතරයි.. ❤️
Dhisha Patani – රොක්සි ලෙසින්
ධිෂා කියන්නෙ බොලිවුඩයේ ගොඩක් ජනප්‍රිය නිලියක්.. මෙයාට වෙලා තියෙන්නෙත් Tiger shroff ට වෙච්ච දේමයි.. කරන ෆිල්ම් ගොඩ යන්නෙත් නෑ බැනුම් අහල ඉවරෙකුත් නෑ.. මේකෙදි මෙයාගේ චරිතේ ගැන කතා කරොත් “එහෙනම් කොල්ලෝ අපි ගියා” වගේ දෙයක් සිද්ද උනේ.. ආව ගියා.. අන්තිමට මොකද උනේ කියලවත් අපි දන්නෑ.. ඉස්සරහට එන ෆිල්ම් වලින් එයාගේ චරිතෙට ලොකු තිර කාලයක් හිමි වෙයිද කියලා බලමු ❤️
Cameo –Krishnakumar/ Vijay Deverakonda/ Dulquer Salmaan/ Mrunal Thakur/ S. S. Rajamouli/ Ram Gopal Varma/ Malvika Nairපට්ට කැමියෝ ගොඩක් තිබුණු ෆිලුමක්.. ඒවගෙන් වටිනාකමක් තිබ්බේ කැමියෝ දෙක තුනකයි මට නම්.. අනික් ඒවා නම් අනේ මන්ද නිකන් අපරාදයක් වගේ..දුලකාර් සල්මාන් ගේ චරිතය සහ විජේ දෙවරකොන්ඩාගේ කැමියෝ එක ෆිලුමට ඇත්තටම වැදගත් චරිත දෙකක් විදියට තිබුනා.. අනික් සුළු චරිත වලට පවා S. S. Rajamouli වගේ ලොකු අධ්‍යක්ෂකවරු අරගෙන තිබුන එක කැපී පේන්න තිබ්බ.. ඒවගේම ක්‍රිෂ්ණාගෙ හඩ සදහා දායකත්වය දීල තියෙන්නෙ ගැඹුරු හඩක් තියෙන අපි කවුරුත් ආදරේ කරන ජනප්‍රිය නළු Arjun Das විසින් වීමත් විශේෂත්වයක්..අධ්‍යක්ෂකතුමාට ඕන උනාද දන්නෑ නේ දඩාර කාස්ට් එකක් අරගෙන බොලිවුඩ්, කොලිවුඩ්, කොලිවුඩ්, මොලිවුඩ් සේරම යා කරල ෆිලුම කරන්න.. එහෙම උනානම් ඔන්න එයාගේ වැඩේ අතිසාර්ථකයිකියලා කියන්න පුළුවන් 😍
එහෙනම් Kalki Universe එකේ පලවෙනි ෆිල්ම් එක බලන්නකෝ කොහොමද කියලා 🤭විස්තරේ නම් කියන්න යන්නෑ ඉතින්..
Kalki 2898 AD (2024) With Sinhala Subtitles | යුගයක ආරම්භය….!
